أخر الأخبار عن Oppo F15

موبايل oppo f15

أخر الأخبار عن Oppo F15

خير انشاء الله oppo f15 نزل في الهند بنفس المعالج الموجود في الـ f11 ,11pro ,reno2f وضهر تاني من البلاستيك #عارفين_ليه ؟!
عشان احنا روشين طحن يا مامي و مشتريين كمية ضخمة من معالج الhelio p70 من ميدياتك بتراب الفلوس و هنبيعهالكم في اجهزة ب٥٠٠٠ و ٦٠٠٠ جنية.

مع اننا عارفين ان القيمة الفعلية لمعظم اجهزتنا اللي فيها المعالج دة متجيبش ٣٠٠٠ جنية اصلا.

بس احنا هنعرف نقنعك تشتري اجهزتها غصب عنك بالاعلانات و الممثلين و البروموترز اللي مفعولهم زي السحر علي حضرتك.
و هنحقق اعلي مبيعات و هندفع رشاوي للصفحات و القنوات المصرية عشان يقعدوا يطبلوا لينا.

هذه هي السياسة المطلوبة لنجاح شركات الهواتف في مصر و تحقيق اكبر مكسب حتي لو كان علي حساب فلوس حضرتك .

ايوة انا بحاول اكون محايد علي قد ما اقدر ولكن حرفيا دة اول جهاز اقدر اقول انو ميستحقش أصلا اني اتكلم عليه في موقعي ..

ومبروك ليكم يا اوبو علي كمية الاحباط اللي بتعملوها للناس من اول السنة كدة بسبب عتاد جهازكم الجديد الضعيف ، و طول منتو ماشين بالسياسة الحقيرة دي.. اختكم الصغيرة "ريلمي" هتخلص عليكم في نسبة رضا مستخدميها عن اجهزتهم.

عشان اللي راح يدفع ٦٠٠٠ جنية في الرينو ٢اف حرام يلاقي جهازه سعره جديد بقا ب٥٥٠٠ بعد اسبوع ... و اللي راح يدفع ١٠٠٠٠ جنية في الرينو ٢ حرام يلاقي سعره جديد بقا ٧٥٠٠ بعد ٣ أسابيع.

و دة برضو يرجع لضعف معالجات و عتاد الاجهزة دي بشكل عام مقارنة بالمنافسين و دة واحد من اكتر العوامل اللي بتحدد قيمة و وزن جهازك في السوق ...و علي فكرة انا بقولك الكلام دة و انا فوتوجرافر اصلا بجيب الجهاز عشان الكاميرا فما بالك بقا لو واحد جيمر.

و طول ما باقي الشركات الكبيرة الاستغلالية ماشية بنفس المبدأ اعتقد انه مع الوقت مش هيبقا فيه في السوق غير ريلمي هي و ريدمي و كام موديل من كام شركة تانية مش واضحين اوي في الصورة زي الكاتل مثلاً.

بس للاسف الكلام دة مش هيحصل والشركات الكبيرة مش هتتلم و دة سببه ان وعي المستهلك الشرائي في بلدنا لسا برضو مش احسن حاجة ، ولكن الكويس في الموضوع ان الوعي الشرائي بقا في تطور ملحوظ عن زمان يعني اكيد في امل و دة بسبب اننا بقينا نقدر قيمة الجنية بسبب الاحوال الاقتصادية اللي البلد فيها و شكراً.

Comments

Popular posts from this blog

مواصفات سامسونج Samsung Galaxy A70

مراجعة تفصيلية لشاومي مي نوت ١٠

سعر ومواصفات Redmi Note 8 Pro ريدمي نوت 8 برو